Page 387 - Неизвестное название

Өрүкүс гынна.
Били гынарын кытта
Аҥардам абааһы уола
Үөһүн таттаран
Үөгүлүү түстэ:
—- Аарт-татай, ини!
Ар-дьаалы, оҕолоор!
Тустуулаах Дьуруо Бөҕө,
Нойон киһиэ!
16290 Тугу билэн-көрөн тураҕын,
Ахсым алдьархай ааҥнаан ааста,
Дохсун үлүгэр тута сөрөөтө.
Алдьархайдаах садыамнаах
Арҕаа халлаан
Анысханнаах алын сиксигин
Арыый бэтэрээ өртүгэр,
Айаҕымсах часкыыр хара
Аймахтарын биистэрин
Аҕа баһылыга буолбут
16300 Көрбүтүн эрэ уобар
Күөнтэ Хара бухатыыр
Туналҕаннаах ньуурдаахпытын,
Нэлэмэн Куобутун
Сыыһа туттардаҕын,
Халты харбаттаҕын,
Туттаран туран
Тута мэллиттэҕин,
Көрдөрөн туран
Көстө көтүттэҕин,
16310 Көрөҕүөн-көрбөккүөн!
Сырыы бөҕө сындалҕаннааҕа
Тыыра ыстанна,
Айан бөҕө ахсыма
Хайа барда.
Сир гиэнин сиксигэр
Сирдээх илиэһэй буолуо,
Анараа дойду дьабыныгар
Арҕахтаах адьарай буолуо,
Түҥкэтэх үөдэҥҥэ түһэр
16320 Күлүгүн көрдөрбөт
Күтүр буолуо.
Сибилигин эрдэ сылла
Ириэнэхтии эккирэтиэххэ,
- 384 -