Page 390 - Неизвестное название

16410 Түгэҕэ биллибэт
Түҥкэтэх дойду
Түгэҕин диэки
Түптүйэ саҕа
Сүөдэкис гынар.
Инньэтэх дойду
Иҥнэстигэс эҥэрин диэки
Эмэгэт саҕа
Элэкис гынар.
Күдэн дойду
16420 Күдэрикээх күлүгүн диэки
Куочай саҕа
Кулахыс гынар,
Күпсүүр саҕа
Күлүкүс гынар,
Көстөн ааһар.
Ол курдук
Көстө-көстө сүтэн,
Биллэ-биллэ мэлийэн,
Ситтэриэхчэ ситтэрбэккэ,
16430 Сиритэ-хайыта тардыһан,
Куоттарыахча куоттарбакка,
Хол-буут түсүһэн,
Айан гиэнэ
Ахсымын айаннаан,
Сырыы гиэнэ
Сыыдамын сылдьан,
Айыы сирин
Анараа тардыытыгар,
Күн сирин күлүк өртүгэр
16440 Баһа-атаҕа биллибэт
Борук-сорук
Бадыа-бүдүө дойду устун
Барыгылдьыһан бардылар,
Күнэ-ыйа көстүбэт
Күлүк-боруҥуй дойду устун
Күлүгүлдьүтэн истилэр.
Адьарай дойдута аҥалыйда,
Көстүбэт сирэ күҥкүлүйдэ.
Арбахтаах бэс саҕа
16450 Абааһыта дагдайа сиэлбит,
Көмнөхтөөх үөт саҕа
Көппөйө сүүрэн иһэр
- 387 -