Page 391 - Неизвестное название

Көстүбэт күтүрдэрин
Көрсө түһээт,
Күөнтэ Хара бухатыыры
Көрдүгүт дуо?
Көхсүгүтүн дьөлө
Үктүү иликпинэ
Кэпсии охсуҥ диэн,
16460 Күргүйдээн көҥү бардаҕына,
Көстүбэт биистэрэ
Көрбөтүбүөт-көрбөтүбүөт диэн,
Куттанан - салл ан,
Кутуйах иинин кэҥэтэн,
Куотан-тэскилээн,
Кылыйа сүүрэ тураллар.
Аартыгын айаҕар
Агдайа сиэлэн
Ааһан иһэр
16470 Абааһы аккыраҥнарын
Аара көрүстэҕинэ,
Күөнтэ Хара бухатыыры
Көрдүгүөт дуо,
Аҥаргытын хайа тардан
Аҥардам оҥоро иликпинэ,
Кэпсии тардыҥ диэн
Аҥардам бухатыыр
Айаҕа хайдыаҕынан
Хаһыытаан хайа бардаҕына,
16480 Абааһы аккыраҥнара
Адьас билбэтибит диэн
Аһара көтөн
Аадахыс гына,
Куота көтөн
Куодьахыс гынан иһэллэр,
Суолун устун
Суудайа сүүрэн эрэр,
Сутаакы абааһылары
Ситэн кэлэн,
16490 Күөнтэ Хара бухатыыры
Көрдүгүт дуо,
Сотоҕутун тоһута үктээн,
Доҕолоҥ оҥортуу иликпинэ,
Билбиккитин мэлтэччи,
Истибиккитин илдьи,
- 388 -