Page 392 - Неизвестное название

Көрбүккүтүн көҥү,
Кэпсии охсуҥ диэн
Төбөлөрүн оройуттан
Дьөлө үөгүлээтэҕинэ,
16500 Суодайа сүүрэн иһэр
Сутаакы абааһылар
Суох-суох туту да билбэтибит диэн
Соһуйан-уолуйан,
Суол таһыгар туора ойон
Суодахыс гынан
Туораан биэрэн иһэллэр.
Ол курдук
Суортан-тураахтан сураһан,
Ыттан-кустан ыйытан,
16510 Эһэттэн-бөрөттөн ирдэһэн,
Эккирэтии гиэнэ
Илистиилээҕин эккирэтэн,
Батыһыы гиэнэ
Мөккүөрдээҕин батыстылар.
Сойуолаһыы гиэнэ
Сындалҕаннааҕа буолла,
Оһоллоох-ороскуоттаах,
Оботтоох-чупчурҕаннаах
Удурҕаччы хара
16520 Удьуордарын уҥуордаан,
Кэмпэрдээх Кэп Суорун биистэрин
Кэтэх өртүгэр
Айаҕымсах часкыыр хара аймахтарын
Анараа өртүгэр
Сытар сыгынах саҕа
Чыыбырҕаһа-чыыбырҕаһа тыыллаҥнаспыт,
Эмэх тиит саҕа
Эриллэ-эриллэ эймэҥнэспит,
Дьылхан харыйа саҕа
16530 Чуубурҕаһа-чуубурҕаһа субуруспут,
Соллоҥ үөн чуоҕуйбут,
Эриэн моҕой элбээбит,
Дэгиэ тиистээх дэлэйбит,
Амырыын айах ардьайбыт,
Сойуо тыл чороҥнообут,
Үллэҥнэс үөннээх,
Көбүөхтэс көйүүрдээх,
Бырылыы сытар

- 389 -