Page 393 - Неизвестное название

Бырыы бадарааннаах,
16540 Курулуу турар
Курулҕан куталаах,
Барылыы оргуйар
Барылҕан бадарааннаах,
Сиҥнэ турар
Дэгилгэн сирдээх,
Оборо сытар
Оботтоох-обоччолоох,
Тардан ылар
Салыҥнаах чалахайдаах,
16550 Ыйыста сытар
Ынырык ыдылҕаннаах,
Сытыган ыар сыттаах,
Суураллар тумаралаах,
Суккуллар суудаллаах,
Туората-устата биллибэт
Дьуоҕа хара дойду
Оргуйар ортотугар,
Эҕирийэр иһигэр,
Өҕүрүйэр үөһүгэр
16560 Алтай чаан
Аанын курдук
Аҥалыйан көстөр
Аҥылҕаннаах Айдаарыкы хотун
Анарааҥҥы таһаатыгар,
Бэлэс төрдүн курдук
Мэҥэлийэн көстөр
Мэгилгэннээх Мэгистимэ хотун
Бэтиэхтиир кытыытыгар
Үөлэс үүтүн курдук
16570 Үмүрүйэн көстөр
Өлөр өлүү күҥкүйэтин
Түллэҥниир төрдүгэр,
Үҥкүр күөс аанын курдук
Өрүкүйэн көстөр
Өһөҕүрэр Өлбөөдүкү хотун
Үмүрүйэр тардыытыгар,
Өтүөхтүүр үҥкүрүгэр,
Бысхалдьыйар кытыытыгар,
Мүччүҥнүүр бүөрүгэр,
16580 Буор булгунньах саҕа
Боролуйан көстөр,

- 390 -