Page 395 - Неизвестное название

Соллоҥ хара тарбахтарынан
Тобугун хараҕыттан
Таҥнары тайахтанан,
Үөһээ уоһа үс былас холобурдаах,
Аллараа уоһа
16630 Алта балыс холобурдаах,
Аллараа сатарыйбыт,
Айаҕын аппа хайдыбытын курдук
Аҥылыччы аппыт,
Сымыһаҕын дьэллэтэн,
Сыыр быстыбытын курдук
Сылласта сөрүөстүбүт,
Сэттэ былас
Далан хамсык тыла
Таҥнары санньылыйбыт,
16640 Үөһээ тиистэрэ
Харыалаах үөт тирэх курдук
Хардарыта үүнэн түспүт.
Аллараа тиистэрэ
Алдьаммыт сүүр
Сэриитин курдук
Адаа-быдаа аһыылаах
Ардьайан көстөллөр.
Икки дьабадьытыттан
Саах балбаах саҕа
16650 Сараһын чалахай сыраана
Таҥнары санньылыйбыт,
Буор оһох хоротун курдук
Муннун үүтүттэн
Тыыннаах моҕой курдук
Сытыган үөн сыраана
Тобугар тиийэ
Субуруйан түспүт.
Аҕыс мүһэтин
Адьас-быдьас ыытан,
16660 Аллараанан-үөһээнэн,
Айгыстан - ад ал ыйан,
Адаа-быдаа тиистэнэн,
Агыыр-багыыр тыҥырахтанан,
Ардьайан-ырдьайан,
Айаҕа дьаллайан,
Адьарай гиэнэ
Алдьархайдаах адьырҕата,

- 392 -