Page 396 - Неизвестное название

Көстүбэт гиэнэ
Күтүрдээх дьулааннааҕа
16670 Көрдөр көрө сүөргү абааһы
Көппөйө үллэн олорор эбит.
Ону көрөн баран,
Тустуулаах Дьуруо Бөҕө:
— Эн диэтэх киһи
Хайаттан хайа ыстаммыт
Куотар бөҕө кубулҕаттаах,
Ааһар бөҕө албастаах,
Аҥардам бухатыыр диэн,
Туох иһин аатырбыккыный?
16680 Албан аатырыаҥ,
Дьоһун сураҕырыаҥ буоллаҕына,
Ити суоһар бөҕө сураҕырбыт
Күөнтэ Хара бухатыыры
Сибилигин киирэҥҥин,
Соһумар үлүгэрдик
Тута оҕус, — диэн баран,
Аҥардам абааһы уолун
Самаҕын туорайыттан
Батыччы харбаан ылан,
16690 Үөһээ дойдуга
Өрө көтөҕөн таһааран баран,
Дьөлөркөй үөлэс
Үүтүн устун
Төбөтүн оройунан
Дьөлө быраҕан түһэрдэ.
Аҥардам бухатыыр
Атаҕа адаарыс,
Уллуҥаҕа хараарыс гынан хаалла.
Аҥардам обургу-дьаалы
16700 Биирдэ холоруктаан ылыытыгар
Тоҕус уон чолбон чуоҕурдаах,
Сэттэ уон эбир толбонноох,
Иннинэн-кэннинэн
Эбириэн дьаҕыл истээх,
Тыс хааһах аанын курдук
Дьаллайбыт айахтаах,
Торҕон бөрө
Төбөтүн курдук
Икки чөлөйбүт төбөлөөх,
16710 Соллоҥ аҥаа
393 -