Page 397 - Неизвестное название

Чоху курдук
Дьолтойбут харахтаах,
Аҕыс сараҕар
Салбах ытыстаах,
Адаа-быдаа
Тырайбыт атахтаах
Адьырҕа сырҕам эһэ саҕа
Буос бэһирик
Боһуу бээгэй
16720 Ап-баҕа буолан,
Холумтанын ортотунан
Көйүүлээх чардаат саҕаны
Көҥү түһэн баран,
Иҥиир ситиитин тартаран,
Тиэрэ-маары эргийэн,
Адаарыйа сытта.
Күөнтэ Хара бухатыыр
Уһуктан-орҕостон,
Уутугар аҥаарыйан,
16730 Сүүһүн хаба ортотунан
Сүүрдэммэтэх чардаат курдук
Түҥнэри көрбүт хараҕынан,
Үөлэн сиэн ааспыт түөкүттэр
Өргөстөөх үтэһэлэрин
Өрүтэ туппут курдук
Үөргү-сүөргү кыламанын быыһынан
Өйдөөҕө суохтук
Өлбөөдүччү көрдө.
Ол олордоҕуна
16740 Ап баҕа баҕайы
Аҕыста адаарыйда,
Сэттэтэ тиэрийдэ,
Түөртэ төкүнүйдэ,
Хатан мастан
Хардаҕас саҕа
Хабырыйа барыар диэри
Хатан үлүгэрдик
Часкыйа түһэн баран,
Холумтанын түгэҕиттэн
16750 Түөрэ ытыйан,
Кытыастар кыһатыттан
Үлтү илгистэн,
Буордары-сыыстары,
- 394 -