Page 398 - Неизвестное название

Күллэри-көмөрдөрү,
Тууспаннары-чохтору,
Хоруолары-курунньуктары,
Күөнтэ Хара бухатыырга
Харахтары-сирэйдэри,
Уостары-тиистэри ордорбокко,
16760 Барытыгар өрө уһууран таһаарда.
Били гынарын кытта
Күөнтэ Хара бухатыыр
Соһуйан -уолуйан,
Саах күрдьэх саҕа
Хара чалахайынан
Саба тибиирэн кэбистэ,
Үөһүн таттаран
Үөгүлүү түһэн баран,
Өрө ыстаммыта
16770 Балаҕанын үрдүн
Үс былас холобурдааҕы
Үрэйэ көтөн
Моойдоох баһыгар диэри'
Ардьаччы аппытынан
Адаарыс гына түстэ.
Инньэ гынарын кытта
Тустуулаах Дьуруо Бөҕө
Тоһуйан туран,
Уһун дуура хаан батаһынан
16780 Моойдоох баһын
Быһа дайбаары,
Кыыһар былыт кырыытынан
Кылабаччытан аҕалан,
Кындыл чаҕылҕан курдук
Кууһуннаран түһэрдэ.
Абааһы уола
Аллараа диэки
Аһаран игилис гыныытыгар
Чэчинньиэр ойуур
16790 Иилсибитин курдук
Тимир сигиди баттаҕын
Куйахатын кыһарыйбытынан
Кыр гыннаран,
Сыыһа дайбаан,
Сааллар чаҕылҕан курдук
Сандаарыс гыннарда.
- 395