Page 399 - Неизвестное название

Күөнтэ Хара бухатыыр
Балаҕанын аҥаар эркинин
Көҥү көтөн тахсан,
16800 Уодараҥ-аадараҥ ойуолаата,
Түлэс-балас
Сүүрбэхтээн иһэн,
Төттөрү хайыһан,
Суодаллан туран
Туойан тоҕо барда,
Ыллаан ыыра ыстанна:
— Буойака-буойака!
Аарт-татай, ини,
Ар-дьаалы оҕолоор!
16810 Былыргы быдан дьылларым
Багдайа сытыйан турбут
Барык-сорук* балаҕан баҕайы
Өрдөөҕүттэн өтөхтүйбүт
Үөдэн дойдута
Иччилэнэн илэ хааман
Иэдэтииһи быһыылаах,
Сибиэркийэн дэлби сытыйан
Сиэри гыннаҕын көр!
Аат айаҕын дойдута
16820 Абааһыта арбаҥнаан,
Алдьаттаҕа баар үһү,
Көстүбэтэ көбүөхтээн
Көрүмээри гыннаҕа.
Көстүбэккин кытта
Көҥү сытый,
Сибиэҥҥин кытта
Сиҥнэ сытый,
Иччигин кытта
Эмэҕирэ сытый!
16830 Аны эйиэхэ эргилиннэхпинэ,
Иэччэҕим эргийдин,
Хайыстахпына хаалдьыгым хайыннын!
Этим саластаҕын,
Иэним кэдэрийдэҕин,
Куттанан соһуйан,
Куйахам күүрдэҕин,
Айаккабыан, айыккабын да! — дии-дии,
Арҕаа анысханнаах
Анараа дойду диэки
- 396 -