Page 400 - Неизвестное название

16840 Уолуйан-соһуйан,
Уоҕуран-айдааран
Сүүрэ турда.
Аҥаардам бухатыыр
Куочай саҕа кулаһыйда,
Түптүйэ саҕа төгүрүйдэ,
Күпсүүр саҕа күлүкүччүйдэ,
Эмэгэт саҕа эргичийэн,
Иритэ-сиритэ тардыһан,
Аҥардам, Аҥардам
16850 Айанныы турда.
Ол кэнниттэн
Тустуулаах Дьуруо Бөҕө
Солоҥдо тураҕас атын үрдүгэр
Өксөкү кыыл курдук
Күөкэс гына олоро түстэ,
Ох саа оноҕоһун курдук
Ууннарбытынан барда.
Ол курдук
Утуу-субуу түсүһэн,
16860 Олбук-солбук тардыһан,
Улаат-халаат айаннаан,
Буут быстарынан,
Муҥ кыраадыһынан,
Мунугуур түргэнинэн,
Бүлтэс бөҕөтүнэн
Бөрөлүү харбаан,
Мэҥиһэн истилэр.
Тэбиэн дойду
Тэхтириттэн тэбиллэн,
16870 Тэбиэһирэн тэйэн бардылар.
Одун дойду
Очуруттан оҕустаран,
Уоҕуран-күүһүрэн,
Омуннанан-төлөннөнөн,
Уурдаран-оҕустаран,
Кыдьылгы дойдулар
Кыһарыйар кыһамнарынан
Кыраман ыраах
Кыйданан истилэр.
16880 Аҕыс уон аан холорук аргыстанан,
Тоҕус уон добун буурҕа доҕордонон,
Сэттэ уон силлиэ тыал сирдьиттэнэн,

- 397 -