Page 402 - Неизвестное название

Биэрэгин биллэрбэтэх,
Онолун таптарбатах,
Уодьуганын туттарбатах,
Иитэ-саҕата биллибэт,
16930 Устата туората муҥурдаммат
Улуу тумара байҕал
Таҥхалыйар тардыытыгар,
Бөтүөхтүүр бүөрүгэр,
Бүччүҥнүүр үҥкүрүгэр,
Тилэх баттаһан
Сиритэ-хайыта тардыһан,
Тиийэн кэллилэр.
Күөнтэ Хара бухатыыр
Күкүр таастан
16940 Тэбинэн баран,
Тумара байҕалга
Төбөтүн оройунан
Көҥүс уораан тостон, -
Көҥү ыстанан
Түһэрин курдук
Күр гына түстэ.
Аҥардам бухатыыр
Хатан баҕыыр тарбаҕынан
Халыҥ кунугтан харбаан,
16950 Суон мүһэтиттэн тутуһан,
Бойсуурун туппутунан*
Батары ытыран,
Байҕал түгэҕин диэки
Атахтара адаарыс,
Уллуҥахтара хараарыс гынан эрдэҕинэ,
Тустуулаах Дьуруо Бөҕө
Тута баттаһан,
Соҕотох сототуттан
Таба харбаан,
16960 Лап гыннаран
Ыыппат гына
Ыбылы тутта.
Тимирэ-тимирэ дагдайдылар
Умса-умса күөрэйдилэр,
Мэлийэ-мэлийэ көһүннүлэр,
Сүтэ-сүтэ көппөйдүлэр.
Тустуулаах Дьуруо Бөҕө
Суорба таастан тирэннэ,
- 399 -