Page 403 - Неизвестное название

Дэриэспэ таастан тэбиннэ,
16970 Тардыһыы кытаанаҕын тардыстылар,
Тэбинии тэтиэнэҕин тэбиннилэр.
Икки дуолан бухатыыр тардыһыыларыгар
Аҥардам бухатыыры
Тирии кынат курдук
Тиирэ тартылар,
Утаһын өтүү курдук ууннардылар,
Тыйыс сарпы курдук чырбаттылар.
Тустуулаах Дьуруо Бөҕө
Суорба таастан
16980 Тэбинэ-тэбинэ тиэрэ түстэ.
Күөнтэ Хара бухатыыр
Күрэ таас көмөгөйүттэн
Тэбинэ-тэбинэ
Улуу тумара байҕал
Түгэҕин диэки
Умсары дьулуруйда.
Ү өһээттэн-алларааттан
Өлөр-тиллэр мөккүөрдээх,
Өһүөннээх-хатааннаах,
16990 Өһөгөйдөөх дьүккүһүү буолла.
Силгэ уунар тэбиниитэ,
Сындааһын сыыйыллар сырата,
Тараһа быстар
Тардыһыыта буолла.
Аҥардам бухатыыр
Быһаҕаһынан быстар,
Ортотунан оһоллонор,
Сиһин үөһэ силлэрэ
Тыына быстар күнэ
17000 Тирээн кэллэ.
Биилинэн биэкэйдэ,
Курбуһаҕынан куодьайда,
Аҕыс ойоҕоһун уҥуоҕа
Ардьаах мае курдук адыгырайда,
Тоҕус тоноҕоһун уҥуоҕа
Тоҥ торбос
Төбөтүн курдук
Допдугураан көһүннэ,
Түөрт мүһэтэ
17010 Сүһэнэрэ чугаһаата,
Хол-буут арахсара кэллэ,
- 400