Page 404 - Неизвестное название

Иҥиир тараһатыттан иҥнэн,
Иэҥин иҥиириттэн силбэһэн
Тоноҕоһун уҥуоҕуттан тутуһан,
Өлөр күнэ үтүрүйдэ,
Хаалар күнэ хабырыйда.
Ол да буоллар
Ытырбытын ыыппат,
Туппутун төлөрүппэт,
17020 Харбаабытын араарбат
Күтүр эбит.
Силгэ силлибэтэ,
Ситимэ быстыбата,
Уһун унньуктаах
Унньуордаах тардыһыы кэнниттэн
Тустуулаах Дьуруо Бөҕө
Тумара байҕал
Суорба таас модьоҕотуттан
Тостор уораан саҕаны
17030 Тоҕо тардан,
Күрэ таас бүөрүгүн
Күҥкүйэлээх үрэх бүөрүгүн курдук
Көҥү тардан,
Күөнтэ Хара бухатыыры
Сымара таас кытылга
Ньылбы соһон таһаарда.
Инньэ гынарын кытта
Икки айыылаах абааһы бухатыырдара
Хатан үлүгэрдик
17040 Хабараан баҕайытык
Хаһыытаһа-часкыйа түстүлэр да,
Хахайдыы хапсыстылар,
Эһэлии харбастылар,
Бөрөлүү тутустулар,
Ыытыспат гына
Ыбылыта ылыстылар,
Төлөрүйбэт гына
Түрүтэ харбастылар,
Өлөр үөһэ буоллун диэн,
17050 Хатааннаахтык анньыстылар.
Аҥардам бухатыыр буоллаҕына
Үүдэһинэ өһүллүбүт,
Сындааһына сыыйыллыбыт,
Утаһына ууммут,
- 401 -