Page 407 - Неизвестное название

Атааннаахтык харсыһан,
Кыһыылаахтык кырбаһан,
Өһүөннээхтик үтүрүһэн,
Күнү-түүнү билбэккэ,
Күдэни-туманы көрбөккө,
Өлөрү-тиллэри билбэккэ,
Утуйары-сынньанары
Умнан туран,
Охсуһуу гиэнэ
17150 Уордааҕын-кылыннааҕын
Охсуһа турдулар.
Ол да буоллар
Уйадыйбыт уохтаах,
Элэйбит иҥиирдээх,
Сылайбыт сындааһыннаах,
Илистибит эттээх,
Тохтубут хааннаах,
Хатан биилээх
Хайа охсубат
17160 Халыҥ-киппэ киэптээх,
Торҕо биилээх
Тоҕо охсубат
Дуолан куйахтаах
Толуу бухатыыр дьон буоллулар.
Уордаах охсуһууттан
Уһуктаах биилэрэ уйадыйбыт,
Кытаанах кырбаһыыттан
Кырыылаах кылыстара кыларыйбыт,
Сыралаах охсуһууттан
17170 Сытыы биилээхтэрэ сынтарыйбыт,
Хабараан дайбаныыттан
Хатан биилээхтэрэ кыыраттыбыт.
Омуннаахтык-төлөөннөөхтүк
Утарыта түсүһүүттэн
Уһуктаах өргөстөрө
Мултуйа элэйбит.
Туттар сэптэрэ
Тугулугар тиийэ элэйбит,
Кэтэр куйахтара
17180 Хабырыһан-аалсыһан
Кылыс-батыйа
Кытаанах кырбаһыыттыттан
Кыһыл уот кытыастыбыт,
- 404