Page 408 - Неизвестное название

Күүстээх охсуһууттан
Күөх уот күлүмнээбит,
Кыырай халлааҥҥа
Чаҕылҕан буолан кыырайда.
Добун халлааҥҥа
Субурҕа чаҕылҕан буолан субуруйбут.
17190 Тиҥилэхтэрин тыаһа
Сири сиксигинэн
Сүллээх этиҥ курдук
Ньирилии ньиргийбит.
Уллуҥахтарын тыаһа
Улуу дойдуну улаҕатынан
Уордаах этиҥ курдук уораһыйбыт.
Итинник үлүгэрдээх кинилэр
Иэмэх талах курдук
Эриһэн-мускуһан,
17200 Эрбии биитэ тардыһан,
Ат-биэ курдук айаһан,
Атыыр оҕус курдук
Хатааннаахтык харсыһан,
Буур тайах курдук
Буҕалаһан туран,
Буулаҕатык мускустулар.
Бу тухары
Хайалара даҕаны
Хайа ыстанан
17210 Хаан тахсыбатах,
Сиирэ баран
Симэһин быкпатах,
Батыйа биитин курдук
Барааска тиириилээх
Айа кирсин курдук
Тэбис-тэҥ дьон буоллулар.
Оҕурдук кинилэр
Орулуур отут хонук
Устатын тухары
17220 Уоскуйбакка-тохтообокко,
Охсуһа турдулар.
Ол кэнниттэн
Кинилэр да буоллаллар
Уну ох дьон уйадыйан,
Эт дьон илистэн,
Сындааһын дьон сылайан,

- 405 -