Page 409 - Неизвестное название

Үүдэһин дьон өһүллэн,
Күп гынар күүстэрэ быстан,
Сэп гынар сэниэлэрэ эстэн,
17230 Быыппастар быччыҥнара
Быта курдук быһыттан,
Хоччоххой куҥнара
Уу курдук убаан,
Тэтиэнэх эттэрэ
Сыраан курдук сымнаан,
Эпчиҥнээх бэйэлэрэ
Иэдьэҕэй курдук илистэн,
Уохтаах бэйэлэрэ уҕарыйан,
Хопчоччу холлон,
17240 Куодьаччы дьүүкэрэн,
Кубарыйа хатан,
Ырдаччы ыран,
Ымайа быстан бардылар.
Ол да буоллар
Хайалара даҕаны
Иннилэрин биэрбэт,
Ээхтэрин эппэт,
Өһөс өйдөөх,
Хадай хааннаах,
17250 Хардааччы сигилилээх,
Бөппүрүөк мөссүөннээх,
Буулаҕа бухатыырдар
Буолан биэрдилэр.
Урут бастаан
Охтон түспүт умсуо,
Баран түспүт мэлийиэ,
Кэлэн түспүт кыаттарыа.
Ол курдук
Охтон түһүөхтэригэр диэри
17260 Улаат-халаат охсуһа,
Баран түһүөхтэригэр диэри
Биллир-иллир балталаһа,
Илиэх-былаах эттэһэ,
Нукаай-икээй
Сутуруктаһа турдулар.
Ол турдахтарына
Аҥардам бухатыыр обургу дьаалы
Уһуктан-орҕостон,
Уолуйбут-соһуйбут курдук
-406