Page 410 - Неизвестное название

17270 Ойон турда.
Oxcyha турар бухатыырдар диэки
Оччойо-оччойо одууласта,
Кыччайа-кыччайа кыҥастаста,
Сөрүү туттан соторус гынна,
Кэннин диэки кэлтэкис гынна,
Антах диэки аҥардам гынна
Умсары түстэ,
Төттөрү төкүнүйдэ,
Тимир дэгиэ тиистээх,
17280 Сытыы багыыр тыҥырахтаах,
Куйбуур-сойуо кутуруктаах,
Иннэ-бүргэс кылааннаах,
Оботтоох уһуктаах,
Сүлүһүннээх түүлээх
Сырҕан эһэ саҕа
Куочай-соллоҥ куоска буолан,
Таастан тааска
Тарбачыһан таҕыста.
Хоһуруоттан хоһуруоҕа хорҕолонно,
17290 Хаспахтан хаспахха хаптаҥнаата,
Оҥхойтон оҥхойго ойуолаата,
Быарынан сыыллан быгыахтаата,
Кэннинэн тэйиэлээн дьиригилийдэ,
Тыаһа суох сыбдыҥнаата,
Түүнэн үктэнэн түөрэҥнээтэ,
Чугаһыы-чугаһыы чугуруҥнаата,
Дьөгдьөйө-дьөгдьөйө
Туорута ойон чуһуурталаата,
Танайа-танайа
17300 Сабыта тыбыырда,
Быччайа-быччайа
Быһыта сыыҥтаата.
Ол сылдьан
Эмискэччи үлүгэр
Күөнтэ Хара бухатыырга
Көхсүн хараҕар
Көрүөх түгэнэ,
Дьөлө хатанна.
Таҥнары хатаастан,
17310 Тарбачыһа сылдьан,
Икки үллэр бүөрүн
Тобуллаҕас оҥхойунан
- 407 -