Page 411 - Неизвестное название

Дьөлө кирбитинэн барда.
Кырдырҕаччы ыстаата,
Киһигирэччи кирдэ,
Күөнтэ Хара бухатыыр
Аҕыс ойоҕоһо чоройдо,
Тоҕус ойоҕоһо адаарыйда,
Тоноҕос уҥуоҕа добдугураата,
17320 Кырамта уҥуоҕа килбэйдэ.
Тоноҕоһун уҥуоҕуттан тутуһан,
Сиһин үөһүттэн силбэһэн,
Иҥиир тараһатыттан иҥнэн,
Иэмэх-таамах эҕэлдьийдэ,
Талыр-илир талкыҥныы,
Холур-илир куодьаҥныы,
Ырыа-ыллыы,
Тойук туойа турдаҕа:
— Буойака, буойака!
17330 Аарт-татай, ини,
Ар-дьаалы, оҕолоор!
Аҕыс атахтаах
Адьарай бөҕө аймахтарыттан
Аар-акаары
Аат айаҕын киһитэ
Адалыйбыт эбиккин,
Көстүбэт бөҕөттөн
Көҥдөй мэйии,
Көҥкөлөй төбө,
17340 Көрүнньүк көҕүс,
Дьүдьэх мэйии,
Күөн акаары
Көппөҥнөөбүт эбиккин.
Адьарай бөҕө аймахтарын
Аҕа баһылыктара,
Суон дурдалара,
Халыҥ хаххалара,
Буулаҕа бухатыырдара буолан,
Күн өркөн уустарын
17350 Көхсүбүнэн күлүктээн,
Айыы хаан аймахтарын
Атахпынан саба үктээн,
Аатыран - сур аҕыран
Адалыйан сылдьыбытым.
Субу билигин даҕаны
- 408 -