Page 413 - Неизвестное название

Суулларан түһэрдилэр.
17400 Күөнтэ Хара бухатыыр
Көмнөхтөөх харыйа курдук
Кур гына түстэ.
Өлбөөдүйэ өлөн
Өлүгүрэн барда.
Аҥардам бухатыыр
Айаҕа хайдарынан алларастаата,
Өрүтэ ойуолуу-ойуолуу
Үөрэн-көтөн үөгүлээтэ.
Хол-буут отойдулар,
17410 Мүһэ-мүһэ быстылар,
Атах-илии араардылар,
Барылыыр байҕалга
Баллырҕаччы бырахтылар.
Тумара байҕал
Соллоҥ сутаакылара,
Хоргуйбут-аччыктаабыт
Хабааччы харамайдара,
Дэлиэ тиистээхтэрэ,
Сутаакы сордоҥноро,
17420 Амырыын айахтаахтара,
Ардай аһыылаахтара,
Мэгиэстэр бэлэстээхтэрэ,
Уобааччы уомардара,
Ыйыстааччы ынырыктара,
Хардааччы хайыылаахтара,
Кэдирги сэлгиэлээхтэрэ,
Сытыы тиистээхтэрэ
Тырыта-хайыта тыытан,
Ойом-сойом уобан,
17430 Өрүсүһэ-өрүсүһэ
Үрүт үрдүгэр үөмэхтэһэн,
Былд ьаһ ан -тараһан,
Быһыта-хайыта тыытан,
Кырбас-кырбас кытаахтаан,
Өлүү-өлүүкэ үллэстэн,
Үллэҥнэһэн-адаарыһан,
Ылбыт ыйыһынна,
Түбэспит дьүккүйдэ,
Хааныттан хааппыла да хаалбата,
17440 Этиттэн эстэрик саҕа эмтэрийбэтэ,
Уҥуоҕуттан кырамта да оппото.
-410-