Page 414 - Неизвестное название

Олоччу уоптулар,
Бөрөлүү ыйыстан,
Бүтүннүү бүтэрэн,
Биирдэ мэҥиэстэн,
Мэлис-таһыс оҥордулар.
Ол да буоллар
Аһаабыт аҕыйах,
Үссэммэтэх үгүс,
17450 Тииһэммэтэх дэлэй,
Маппыт баһаам,
Көрүөх бэтэрээ өртүгэр
Күлүкүс-иликис,
Биирдэ мэлис,
Соҕотохто суох,
Суп-сап гынан кэбистилэр.
Охсуһуу турбатаҕын,
Оһол тахсыбатаҕын,
Өлөрсүү буолбатаҕын курдук
17460 Уу-чуумпу үүт тураан
Үтүө күн буола түстэ.
Ааһар бөҕө албастаах,
Куотар бөҕө кубулҕаттаах,
Таҥнары Сатыылай Удаҕан обургу
Сибилигин аҕай
Үөһэттэн өрүкүйэн түһэр дуу,
Алларааттан адаарыйан
Taxcap дуу,
Орто дойду
17470 Көй салгынын кытта
Көтөн кэлэн
Көстө түһэр дуу?
Ол көстүбэт күтүрдээҕэ
Кэллэр эрэ,
Төбөтүн оройуттан
Түрбэлээх туос курдук
Түүрэ харбыаҕа,
Уллуҥахпыт оройуттан
Оҥоойуктаах отон курдук
17480 Умсары тутуоҕа,
Сибилигин тэскилии охсуох
Саһа тардыах диэтилэр да,
Биирдэ мэлис,
Соҕотохто сус гынан хааллылар.
- 411 -