Page 416 - Неизвестное название

Халыр-кулур хаҥкынаата,
Тулур-талыр түҥкүнээтэ,
17530 Абааһы кыыһын саҥата
Кый-хай кылас* часкыыр,
Ый-хай ырыа-тойук
Буолан иһэр эбит:
— Алаатыгар-улаатыгар,
Иһилигим-таһылыгым,
Иэдээнигим-куодааныгым!
Күдэн бөҕө күүстэриктээх
Күөнтэ Хата бухатыырым,
Убайдаатар убайыгым,
17540 Тойонноотор тойонугум,
Ханнык дайды хапчааныгар
Хара тыына быстарыгар
Хаһыытаабыт саҥалара
Хобо-чуораан кулгаахтарбар
Хаһыыраахтаан ааспыттара.
Хахаараахтаан барбыттара,
Өлөр үөһэ быстарыгар
Үөгүлээбит үөгүлэрэ,
Өтөн кыыллыы этээхэйдээн
17550 Үөтэн-туойан ааспыттара,
Выдан дайды быттаҕыттан,
Холуон дойду хонноҕуттан,
Илин-арҕаа халлааныттан
Иилии-саҕалыы эргийээхтэн,
Хоту-соҕуруу дойдулары
Хонноҕунан-быттыгынан
Кураһаайдаан-урбачыйан,
Сураһаахтаан-ирдэһээхтээн,
Суолун-солоон,
17560 Ыырын ирдээн,
Сурахтарын истибэккэ,
Суолун-ииһин
Булумаары мунаахсыйдым.
Хайа сахха тиийээхэйдээн
Хара тыына быстыбытай,
Үөдэн айаҕар түһээхэйдээн
Өлөн быстан үөстээбитэй,
Эккирэтэн санньылыһан
Этэрбэһим илдьирийдэ,
17570 Уллуҥнара* көтүлүннэ,'
- 413 -