Page 420 - Неизвестное название

Дьуруо Бөҕө
Атын үрдүгэр
Өксөкү курдук
Дап гына олоро түстэ да,
17790 Оноҕос курдук
Уһуутаппытынан барда,
Сата курдук сатараата,
Тыал курдук тыыннарда,
Буурҕа курдук бурҕачытта.
Ол курдук
Утуу-субуу түсүһэн,
Иритэ-сиритэ харбаһан,
Сампай тардыһан
Түҥкэл-таҥхал
17800 Түсүһэн истилэр.
Өр да айаннаабыттарын
Өтөр да айаннаабыттарын билбэтилэр.
Дьулусханнаах дьолуо
Маҥан халлаан
Тумарыктаах улҕатыгар
Дьалкыйа турар
Туустаах дьүккүүр
Тумара байҕалга
Чугаһаан иһэн,
17810 Аҥардам бухатыыр
Абааһы кыыһын
Ситэн кэлэн,
Иннигэр түһэн
Эмэгэт саҕа элэкис гынна,
Түптүйэ саҕа сүөдэкис гынна,
Суолун ортотугар суодас гынна,
Аартыгын айаҕар
Аҥардам гына түстэ,
Абааһы кыыһа
17820 Соһуйан-уолуйан,
Төттөрү чугуруйда,
Тиэрэ чинэрийдэ.
Кэлин өртүттэн
Тустуулаах Дьуруо Бөҕө
Атын үрдүттэн
Өҥөйөн туран
Тыл кэпсии,
Өс тобула турбут

- 419