Page 425 - Неизвестное название

Кылбаччы аалынан
Кыстык тэтэркэй имнээх
Кыыс оҕо буолан,
Хааман кыбдьылдьыйда.
Ону көрөөт,
Аҥардам бухатыыр
Улаханнык умсугуйда,
Бэркэ биһирээтэ,
Сүрэҕэ өрүкүйдэ,
18010 Сүһүөҕэ хамсаата,
Хачыгыраччы хабырынна,
Сымыһаҕын быһа ытырда,
Саҕынньах курдук
Сапта түстэ,
Сон курдук
Суулуу түстэ.
Куду куустустулар,
Хады тардыстылар,
Ыбылы ылыстылар,
18020 Иҥиир утах курдук
Иҥэн-тоҥон эристилэр,
Хатыс өтүү курдук
Хам ыга хатыстылар,
Сылаас силии курдук
Сыһыары сыстыстылар,
Чыыбырҕаччы сылластылар,
Оботтоохтук уурастылар,
Чуубурҕаччы чупчустулар,
Көҕөрө уҥан көппөстүлэр,
18030 Тарайа уҥан тарастылар,
Күөс быстыҥа көрүстүлэр.
Ол курдук
Уураһан-сыллаһан,
Уохтара хараан,
Омуннара тохтоон,
Уоскуйан-намырыйан,
Утах сап курдук
Унньулус гынан,
Сарыы тимэх курдук
18040 Сааньылыс гынан,
Түнэ быа курдук
Түрдэс гынан,
Ырдьаччы-ардьаччы
- 424 -