Page 424 - Неизвестное название

Ол иһин даҕаны
Үрдүбэр үрүҥ чыычааҕы
17960 Үҥүлүтэ иликпин.
Томтойоохтуур түөспэр
Тугу даҕаны
Тохтото иликпин,
Тарайаахтыыр тараһабар
Далбарыйы даҕаны
Дьаарбата иликпин,
Үтүөкэннээх өрөҕөбөр
Үрүмэччини даҕаны
Түһэрэ иликпин.
17970 Ийэттэн төрөөбүтүнэн
Элиэр эттээх
Эриэккэстэй кыыспын,
Биһиктэн сөллүбүтүнэн
Бэртээхэй оҕобун,
Сибиэһэй бэйэлээх
Сэгэттэй бэйэлээхпин.
Эр киһи барахсаҥҥа
Итэҕэһин ситэрэр,
Наадатын толуйар
17980 Дьахтар гиэнэ
Талыыта буолабын.
Иннибиттэн көрөҥҥүн,
Итэҕэспин булуоҥ дуо,
Кэннибиттэн кэтэһэҥҥин
Кэрэдэйдиэҥ дуо?*
Ойоҕоспуттан одуулаан
Омсолуоҥ суоҕа.
Күтүөттээн күөкэй,
Көрөн сөбүлээ,
17990 Ананан кэлбит атаһым,
Аҥаардам бухатыыр, — диэн туран,
Хара кумаҕынан
Хастыы аалынан,
Хара-бараан дьахтар буолан,
Хааман маталдьыйда,
Үрүҥ кумаҕынан
Үлтү суунан
Үөмэс маҕан дьахтар буолан,
Үөрэн-көтөн үөкэлдьийдэ,
18000 Кыһыл кумаҕынан

- 423 -