Page 422 - Неизвестное название

Дуулааҕа бухатыырдарыттан
Мутугунан ордуктарын,
Булан-талан
Бу ааттаах-суоллаах
Ааһар бөҕө албастаах
Аҥардам бухатыыры
Туһааннаах доҕоро
Буоллун диэн,
17880 Окко түспүт оҥоруугутун
Сиргэ түспүт сэрэбиэйгитин,
Биир гынан
Куккутун-сүргүтүн
Соҕотох хоруоҥка
Үүтүн устун кутан таһаардылар.
Ол курдук
Одун хаан уурааҕы уурдулар,
Тыйыс хаан
Ыйааҕы ыйдылар,
17890 Тустаах суорумньунан
Суһал соругу туттарарга
Миигин анаабыттара.
Ол иһин
Туһааннаах доҕоргун
Тус иннигэр аҕалан
Туруору бырахтым,
Хорсун уоллаах кыыһым
Холоонноох доҕордуу буолан,
Хол-буут курдук
17900 Холбоһоргут буоллар,
Ол модун маҕан халлаан
Улуу тойотторугар тахсан,
Үтүө сонуннаах киһи
Үөрэ-көтө кэпсиэм этэ, — диэтэ.
Инньэ диирин кытта
Абааһы кыыһа
Айаҕын атан,
Алларастыы түстэ,
Дьилбэгин охсунан,
17910 Тиэрэ мэтэрийдэ,
Илии холобурдаах
Иҥиэт гынна,
Тутум холобурдаах
Хорус гынна,

- 421 -