Page 428 - Неизвестное название

18130 Одун маҕан халлаан
Уорҕатын диэки
Ойбон курдук харахтарынан
Одуулаһа-одуулаһа
Обот чупчурҕан уостарынан
Оборон чупчуруйдулар,
Аллараа сир түгэҕин диэки,
Санныларын хараҕар диэри
Батары түһэн,
Таҥнары өҥөйө сытаннар
18140 Таныыларын үүтүнэн,
Тар оҥкучаҕын саҕа
Тартата-тартата
Таҥнары сытырҕалаан
Сантарыһан көрдүлэр.
Онтон урбачыһан тураннар,
Орто дойду диэки
Ол бу уһук-түгэх
Уораһыйар кубарсыйар
Улаҕатын диэки
18150 Хоппо күрдьэх саҕа
Куорай дапсыыр ытыстарынан
Олорчу тоһуйа-тоһуйа
Чохчойон олорон,
Тобулу чупчуруйдулар.
Ол да буоллар
Орто дойдуга
Оймообут суолун
Онолун булбатылар,
Аллараа тимирбит
18160 Быккытын билбэтилэр,
Үөһээ көппүт
Күдэнин көрбөтүлэр.
Билиилэрэ мэлийдэ,
Көрүүлэрэ көттө,
Кулгаахтара бүөлэннэ,
Хараҥаны харбаатылар,
Ыйдаҥаны ытыстылар,
Кураанаҕы куустулар,
Мэлигири мэлдьэстилэр,
18170 Кубарыччы куурдулар,
Хабырыччы хаттылар,
Ханна да барыахтарын булбакка,

- 427 -