Page 429 - Неизвестное название

Халахайы хастаан,
Халарыктыы сырыттылар,
Тугу гыныахтарын булбакка,
Тумнастан тууйуллан,
Тула эргичийэн,
Тулахаччыһа сырыттылар.
Ол турдахтарына
18180 Аҥардам бухатыыр
Антах хайыһан ардьас гынна,
Бэттэх көрөн мичис гынна,
Иннэтэх диэки иҥиэт гынна,
Сөрүү туттан сүөдэс гынна,
Саманнык диэн
Саҥа саҥаран
Сатаарыйа турда:
— Буойака, буойака!
Бу туох аттаах
18190 Дохсун кубулҕата
Булан буулаан,
Бу үлүгэрдээх
Туманыгар муннардаҕай,
Күдэнигэр көтүттэҕэй,
Ахсым албаһа
Ааҥнаан сабардаан,
Бу айылаах
Хара былыттыы хаххалаан,
Харахпытын саптаҕай?
18200 Былыргы дьылым
Былдьаһыктаах мындаатыгар,
Урукку хонугум*
Охсуһуулаах уорҕатыгар
Ойдом оһолтон ордорго,
Быстах быһылаантан быыһанарга,
Дохсун өлүүттэн тумнарга,
Сүдү улахан сүтүгү буларга
Түүллээх гиэнэ үтүөтэ,
Биттээх гиэнэ бэрдэ
18210 Мин диэтэх этим.
Орто дойдуну
Оҥоойуктаах отон курдук
Олоччу ууран көрөөччүбүн,
Аллараа дойдуну
Атыйахтаах уу курдук

- 428 -