Page 430 - Неизвестное название

Умсары сүөкээн,
Билгэлээн билээччибин,
Үөһээ дойдуну
Үүн тиэрбэһин курдук
18220 Өтөрү көрөөччүбүн,
Сир ийэтин
Сири иһит курдук
Тиэрэ тардан
Ситэн-сирийэн билээччибин,
Баараҕай байҕаллар
Бадылыйар түгэхтэринэн
Бадьаа хамыйах курдук
Балыктары-кыыллары
Барытын ааҕан,
18230 Ытыһым оҥхойун курдук
Ырылыччы ырытарым.
Утуйа түһэн
Оноолоон көрүөм,
Төһүөн биттэнэн
Түстээн көрүөм, — диэтэ да,
Аҥардам, Аҥардам сүүрэн,
Үрдүк очуос төбөтүгэр
Өрө сүүрэн таҕыста.
Оһуу-тоһуу дьулаҕайыгар
18240 Умса түһэн утуйан хаалла.
Чуҥкуйан-иһийэн,
Тоҥ күөс быстыҥа буолан баран,
Соһуйан -уолуйан
Сулбу ыстанан,
Тура эккирээтэ,
Түптүйэ саҕа сүөдэкис гынна,
Күпсүүр саҕа күлүкүс гынна,
Эмэгэт саҕа элэкис гынна
Иннилэригэр кэлэн
18250 Этиэх түгэнэ
Аҥардам гына түстэ.
Тугу эрэ билбит
Сонунун кэпсиэри,
Туойан тоҕо барда,
ЬГллаан ыыра ыстанна:
— Буойака, буойака,
Аарт-татай, оҕолоор!
Тугу билэн
- 429 -