Page 431 - Неизвестное название

Тугу көрөн тураҕыт
18260 Хайа дойду хапчааныттан
Хамсыыр хара күлүктээх
Халаахтыыр хара түөкүн
Халты харбаабытай,
Туура туттарбытай диэтэргит,
Бу туората-устата биллибэт
Туустаах дьүккүүр
Тумара байҕал
Улаҕа өртүгэр,
Арҕаа халлаан
18270 Анысханнаах алын сиксигин
Арыый бэтэрээ өртүгэр,
Хардааччы сигилилээх,
Хадай хааннаах,
Харалҕан харахтаах,
Хатыылаах эттээх,
Хатааннаах санаалаах,
Харса дьабан аймахтарын
Анараа өртүгэр
Кылар харахтаах,
18280 Кыҥнары моойдоох,
Кыҥнастыгас бүлгүннээх,
Кыдьылгы сигилиилээх,
Кыырыктаах илбистээх
Кыдьык-соллоҥ удьуордарын
Улаҕа өртүгэр,
Баҕата хамматах,
Маҥалайа туолбатах,
Муҥура көстүбэтэх
Буор Маҕалай оҕонньор аҕалаах
18290 Иҥсэтин тардымматах,
Идэмирин иһэ топпотох
Идэмир Соллоҥ эмээхсин ийэлээх
Оторой-моторой уолаттарын
Олооччу оҥостон устубут,
Хаҥыардыа-иҥирдиэ кыргыттарын
Кээнчэ гынан кэппит,
Уохтаах-күүстээх
Уордаах кылыннаах
Уомара Тумара бухатыыр
18300 Обургу дьаалы
Уоран-талаан аҕалан,
- 430 -