Page 432 - Неизвестное название

Бу киэҥ
Тумара байҕал
Кэтит киэлитигэр,
Дириҥ сиксигэр,
Кулгаахтаах бөҕө истибэтэх,
Харахтаах бөҕө көрбөтөх,
Хамсыырын харамайын,
Тыынар тыыннааҕын
18310 Ардай аһыылаах
Амырыын баһылыга,
Дэгиэлээх тиистээх
Симэҕин гиэнэ диэлимэрэ,
Сойуо тиистээх
Торҕон-соллоҥ
Тойонноро буолбут
Үс өлөр өлүү
Луо хара
Балыктар бааллар эбит,
18320 Ол балыктан биирдэһин
Халыҥ киппэ
Хайыытын иһигэр
Нэлэмэн Куону
Үрүҥ көмүс өҥнөөх
Күндү таас көлөөскө оҥорон,
Кыбытан кистээн баран,
Бэйэтэ буоллаҕына
Бу аарыма байҕал
Арҕаа мындаатыгар
18330 Аҕыс атахтаах
Ат баҕа буолан,
Утуйа сытар эбит.
Ону туох бэйэлээх
Ааһар албаһынан,
Куотар бөҕө кубулҕатынан
Булан-талан
Тахсыай, доҕоттоор?
Этэ тардыҥ,
Эппиэтии охсуҥ, — диэтэ.
18340 Инньэ диирин кытта
Абааһы кыыһа
Айаҕын атан
Алларастыы түстэ:
— Алаатыгар, алаатыгар,
- 431 -