Page 453 - Неизвестное название

— Сэттэ былас суһуохтаах
Нэлэмэн Куо
Сэгэттэйим оҕотоо,
Сэрэнимэ-сэрбэнимэ,
Куттаныма-куойума.
Ол хайаттан
Хайа ыстаммыт
Албастаах атамаана
Аҥардам бухатыыр
19300 Атырдьах салаатын курдук
Арахсан тэйэн,
Атын аартыгы арыйан,
Туспа суолу тобулан,
Тэгил дойдуттан тэҥнээҕин,
Суол дойдуттан
Сөптөөҕөр түбэһэн,
Туналҕаннаах ньуурдааҕы
Туора кууһан,
Кырасыабай кыыһы
19310 Кытаанахтык кыпчыйан,
Талыыканнаах үтүө
Дьахтарга табыллан,
Санаата көтөҕүллэн,
Таҕыла тарҕаан,
Көнньүөһэ көнөн,
Аналлааҕын кытта
Алдьархайдаах садыамнаах
Аллараа дойду
Аҕыс биис ууһугар
19320 Анараа дойдутугар
Аттанан адалыйбыта,
Түҥкэтэх үөдэнигэр
Дьүгэлийэн түспүтэ.
Биһиги буоллахпытына
Иитиллибит ийэ сирбит,
Айыллыбыт аан дойдубут
Тоҕуоруһан олорор
Дьоһуннаах үтүө дьоммут
Чугаһаатылар, доҕоччуок,
19330 Аппытын миинэн
Айаннаан көрүөх, — диэтэ.
Аттарын үрдүгэр
Мэтэччи-ходьоччу

- 454 -