Page 455 - Неизвестное название

Иэримэ дьиэлэрин
Аан алаһаларын,
Кэтит ордууларын,
19380 Кэкэ чуордарын,
Киэҥ тиэргэттэрин
Тиэрийэн үөскээбит
Тэлгэһэтин иһигэр
Тиийэн КЭЛ эн,
Тоҕус туллук кыылым
Тохтообокко дьурулуу сүүрэр
Дьоруо атым
Таба дугунан ааспат
Дьулусханнаах дьолуо маҕан
19390 Тусаһатын ортотугар
Айыылаах киһи
Аттыгар барбат,
Буруйдаах киһи
Букатын чугаһаабат,
Үрдүгэр өксөкүлээх,
Үс моонньохтоох,
Сиэллээх дэйбиирдээх,
Тойон баадай
Сэргэлэрин төрдүгэр
19400 Чугурус гына
Тохтуу түстүлэр.
Аттарыттан түһэн
Акымалларыттан ылсыһан,
Сиэттиһэн-кэккэлэһэн,
Дьиэлэрин диэки
Эргиллэн хайыһан,
Эмдэй-сэмдэй
Хаамсан эрдэхтэринэ,
Дьиэ иһиттэн
19410 Тэтиэнэх киһи
Нэһиилэ сэгитэн тахсар
Дьиппиэн хара халҕаннарын
Тэлэйэ баттаан
Ийэлэрэ тыллаах-өстөөх
Чычыгыр чуоҕур аттаах
Нарын Ньургустай,
Эбэлэрэ кылааннаах өргөстөөх
Күүстээх-уохтаах
Кыыс Ньургун бухатыыр
456 -