Page 458 - Неизвестное название

Түспүт күөрэйбэтэх,
Өлүү Сөгүдү байҕал
Үллэр үөһүгэр диэри
Кылыс батыйа
19510 Биитин курдук
Кыырай маҕан халлаан
Кындааннаах сататыгар
Кылана-часкыйа турар
Кыырыктаах-илбистээх
Кыһыл сымара таас
Кырдал үрдүгэр
Кыһыылааххытын кыайан,
Өһүөннээххитин өлөрөн
Өрөгөйдөөн бараҥҥыт
19520 Улаан сиэр аттаах
Охсуһуулаах мөккүөрдээх
Оҕо Удаарын бухатыыры
Умсулҕаннаах ньуурдаах
Оҕо Ньургустай диэн балтылаах этим
Ону баран
Тэллэххэ сытар тэҥнээх,
Хоонньуга сытар холоонноох
Доҕордуу буолан,
Хол-буут курдук
19530 Холбоһуҥ диэн,
Ыйан-кэрдэн
Ыыппыт этиҥ,
Ол кэлэн эйиигин
Көһүтэн-кэтэһэн
Күннэрэ уһаабыта,
Сүрэхтэрэ сөбүлэһэн,
Санаалара табыллан,
Сүгүннэрэн-бөҕүннэрэн,
Аан дойдуларыгар
19540 Алаһа дьиэлэригэр
Аттанан айаннаабыттара
Аҕыйах хонно.
Аҕалара Алаатыыр Ала Туйгун
Аартыктарын арыйан,
Алаһа дьиэлэригэр тиэрдээри
Аргыстаһан барбыта.
Онон эбит буоллаҕына
Оҕолорум иккиэн
- 459 -